«Алматыбасжоспардағы» сыбайлас жемқорлыққа қарсы бақылау
2025 жылдың 4 наурызында «Алматыбасжоспар» ҒЗИ-да мүдделер қақтығысының алдын алу және сыбайлас жемқорлыққа қарсы саясат мәселелеріне арналған іс-шара өтті. Жиынды сыбайлас жемқорлыққа қарсы күрес қызметінің басшысы Нұрсұлтан Данияр Бауыржанұлы ашты.
Кездесу барысында Данияр Нұрсұлтан «Сыбайлас жемқорлыққа қарсы күрес туралы» Қазақстан Республикасы Заңының негізгі ережелерін еске салды. Заңға сәйкес, мүдделер қақтығысы орта және жоғары буын басшының жеке мүддесі оның қызметтік міндеттерін орындауына әсер ететін, мемлекетке, ұйымдарға және азаматтарға зиян келтіруі мүмкін жағдайларда туындайды.
Мүдделер қақтығысы туындаған жағдайда, квазимемлекеттік сектор мен мемлекеттік органдардың мемлекеттік қызметкерлері мен лауазымды тұлғаларына кәсіби міндеттерін орындауға тыйым салынатыны баса айтылды. Мұндай жағдайларда қызметкер басшылықты хабардар етуге және жағдайды шешу үшін шаралар қабылдауға міндетті. Басшыларға өз кезегінде дер кезінде жауап бермегені және тиісті шешімдер қабылдамағаны үшін жауапкершілік жүктеледі.
Жақын туыстарының ғана емес, сонымен бірге бір мекемедегі жекжаттардың да бірлесіп жұмыс істеуіне жол бермеуге ерекше назар аударылды. Енді жекжаттық қатынастағы адамдар да (мысалы, ерлі-зайыптылардың туыстары) сыбайлас жемқорлыққа қарсы заңнаманың аясына енеді және мүдделер қақтығысы анықталған жағдайда жауапқа тартылуы мүмкін.
Қызметтік ақпаратты пайдалану, сондай-ақ қызметтік міндеттерін орындау барысында сыйлықтар алуға заңнамада белгіленген шектеулер туралы мәселе қаралды. Белгіленген нормаларды бұзу әкімшілік жауапкершілікке әкеп соғуы мүмкін.
Жиын қорытындысы бойынша келесідей шешімдер қабылданды:
Директорлар мен бөлім басшылары «Алматыбасжоспар» қызметкерлерінің арасында сыбайлас жемқорлыққа қарсы мәдениетті қалыптастыруда бақылауды күшейту.
Бөлім басшылары қызметкерлерді сыбайлас жемқорлыққа қарсы іс-қимыл саласындағы заңнама талаптары туралы жүйелі түрде хабардар етіп отыру және сол нормаларды өздері де сақтау.
Дереккөз: «Алматыбасжоспар Фото: «Алматыбасжоспар» баспасөз қызметі