Алматыда қала дизайн-кодына сәйкес навигациялық стелалар жаңартылды
Алматыда қала дизайн-кодына сәйкес 18 навигациялық стела жаңартылды. Қалалық навигацияның дизайны мен қағидаттары«Алматыбасжоспар» ҒЗИ мамандарымен әзірленді. Жобаны іске асыру үшін әзірлемелер Visit Almaty-ға жіберілді.
Әр стелада екі карта салынған: оның бірі 15 минутқа шақталған картамен қала бойымен ұзақ маршруттарды бағдарлауға болады, ал 5-минуттық карта жақын маңдағы объектілер жайында ақпарат береді. Жоба аясында Рысқұлов даңғылы, шығыс айналма жол, әл-Фараби даңғылы және Сайын көшесі төңірегіндегі «шеңбер» қалалықтар үшін басты бағдар болып қала бермек.
Әр стелада екі карта салынған: оның бірі 15 минутқа шақталған картамен қала бойымен ұзақ маршруттарды бағдарлауға болады, ал 5-минуттық карта жақын маңдағы объектілер жайында ақпарат береді. Жоба аясында Рысқұлов даңғылы, шығыс айналма жол, әл-Фараби даңғылы және Сайын көшесі төңірегіндегі «шеңбер» қалалықтар үшін басты бағдар болып қала бермек.
“
«Қалалық навигация тұрғындар үшін маңызды. Өйткені навигация қозғалудың практикалық құралы ретінде ғана емес, сонымен қатар Urban кеңістікті жалпы қабылдауды қалыптастырады. Күн өткен сайын қалалардағы қозғалыс күрделеніп келеді. Осы алуан түрлілікті бағдарлай білу барлық азамат үшін қажетті дағдыға айналып жатыр, -деді «Алматыбасжоспар» ҒЗИ ғылым жөніндегі директоры Бауыржан Ташметов.
Стелалардағы ақпарат жақсы оқылуы үшін қою түстер қолданылды.
“
«Навигациялық стелаларды әзірлеген кезде әрбір визуалды деталь ескерілді. Өйткені ондағы карталардан бөлек ақпараттың жақсы оқылуы да маңызды. Түстерден бастап қаріпке дейінгі әрбір элемент адам мен машинаның үйлесімді өзара әрекеттесуін жасау үшін мұқият ойластырылды», - деді «Алматыбасжоспар» ҒЗИ жобасының бас сәулетшісі Тахмина Сафоева.
Бұдан басқа биыл стелалардың жақтауында Брайль шрифтімен тақтайшалар пайда болады. Тақтайшаларда стеланың мекенжайы көрсетіледі. Осылайша қалалық орта әр азамат үшін қолжетмідірек бола түседі.