Алматылық студент-сәулетшілер «Алматыбасжоспарда» диплом алдындағы тәжірибеден өтуде, жақын арада Qlab алаңында қорытынды көрмеде білім алушылардың жобаларының таныстырылымын өткізу күтілуде.
Бүгін студенттер көшелерді, сондай-ақ кіреберістерді зерттеу бойынша алдын ала жұмыстарды ұсынды.
Тәжірибеден өтушілердің жобаларының соңғы нұсқасы 13 ақпанда Qlab көрмесінде ұсынылады.
Мәдени кодты зерттеуші, сәулетші Жандос Жұмабайдың айтуынша, алдымен жоба дайындалатын зерттеуге назар аударған жөн. Бірінші блокта жас сәулетшілер 10 вернакулярлық аудан туралы, сондай-ақ өздері тұратын аудан жайлы сөз қозғады.
Енді осы мәліметтерге сүйене отырып, студенттер өздерінің не өздеріне ұнаған кез-келген кіреберістің кіру тобы бойынша өз көзқарасымен бөлісті.
Бір студент оңтүстік астананың алтын шаршысында орналасқан кіреберістің кіру тобына өз көзқарасын жеткізбек болды. Айта кетейік, комиссия құрамында таныстырылымға Metamorph компаниясының сарапшы сәулетшілері Даниэл Юсуфов мен Леонид Самохвалов те қатысты.
Сәулетші Даниэл Юсуфов (Metamorph)
“
«Біз бастапқы көріністі өз таңдауымыз бойынша жасаймыз: кіру аймағын, арканы өзгерту. Бір сөзбен айтқанда, біз кіру аймағына деген көзқарасымызды көрсетеміз. Біз бұл жобаны тарихқа, орналасқан жеріне және өзге мәліметтерге сүйене отырып ұсынамыз», - деп бөлісті құрылыс академиясының V курс студенті Карина.
Оның пікірінше, осындай жобалардың арқасында студенттер тақырыптық бағдарламаларда жұмыс істеу арқылы практикалық тәжірибе алады.
“
«Аптаның соңында біз көрме жасаймыз, онда 10 студент өз жұмыстарын көрсететін болады. Қазір біз байқаудың пилоттық жобасын жүргізіп жатырмыз, болашақта бұл идеяны іске асыру жоспарлануда, онда жүлде ретінде үздік жобаны іске асыру үшін жағдайлар жасалатын болады. Біз кіреберістер ерекше болғанын қалаймыз», - деп бөлісті Жандос Жұмабай.
ЖОО мен колледж студенттерінің тапсырмалары түрліше болды, соңғылары диплом алдындағы тәжірибе аясында қала көшелерін зерттеуді ұсынды. Олар өз жұмыстарында жақсы қабылдау үшін нені түрлендіруге, алып тастауға - бір сөзбен айтқанда, нені өзгертуге болатынын атап өтті.
Тақырыптық дәріске шақырылған мамандар Даниэл мен Леонид «Алматыбасжоспар» зерттеушісімен әңгімелесу барысында білім алушыларды қажетті ойға барынша ептеп бағыттауға тырысқандарын айтты.
Сарапшылардың пікірінше, дәл осындай жобалардың арқасында сәулет саласында алғашқы қадамдарын жасап жатқан сәулетшілер болашақта өз идеяларын жүзеге асыруда батылдық танытады.